Etwas mehr als vierzig Clübler fanden den Weg zu Fuss, zu Auto und sogar zu Töffli auf die Buechmatt zum einmal mehr sehr feinen Fondue. Dieses Jahr wollte der Vorstand fleissige Helfer besonders belohnen und alle die an mehr als zwei Anlässen geholfen haben, konnten das Fondue gratis geniessen. Der Samichlaus hatte diesmal zwei Auftritte. Beim ersten verknurrte er gleich mal Tisch um Tisch, die Sprüche selbst zu schreiben. Verdankt hatte er auch alle, die an allen drei Anlässen (waterslide, wildsouchilbi, lottomatch) halfen. Das waren immerhin 14 Clübler!
Der zweite Auftritt vom Chlaus wurde dann zum Hit, dank den tollen Sprüchen, dem Schacher Seppeli von Ueli und dem Ski-Club-Lied! Ein toller Einstieg in die Wintersaison fand bei einigen früher und bei einigen später ein Ende!
Absolut lesenswert sind die tollen Sprüche, welche jvon jedem Tisch selbst gedichtet wurden...
Sprüche Fonduehöck 14.11.08
im neujohrslager i der lenk
wo ou süscht dänk
mit chli bier und musig
hets dr skiclub luschtig
dr tobi meint er sig e geile siech
und macht e 360er wie ne griech
är landet stat mit de bei am bode
ufem tisch vou gläser mit sine hode
dr tisch klappt zäme, dr barkeeper schwappt nach luft
är geit zum tobi mit chübu u bäse und seit putz uf du schuft
dr tobi mit sim breite grinse
lacht ne a dür sini linse
när geit dä globi hinger bar
und macht dört s fröilein klar
är rüeft oh seid gegrüsst ihr lieben mit und ohne glieder
lasst uns singen schöne lieder
und so stimmt är a:
bipper bipper bipper bipper skiclub isch e hit, öpis bessers gits im ganze ländli sicher ned....
vom schneeforscherweekend 08 gits es gedicht
u zwar vom michi scheidegger sire wc-gschicht
überau a gläser, froupos u brüscht
chläbe skiclubchläber ganz früsch
dr michi ganz blau
u nüm ganz würklech schlau
wot är go nes brünzi risse
u trifft dört grad die gröschti krise
o gott do chönnt me jo grad schiisse
bevor dr michi sini hose cha uftue
stoppt ne sone huere chue
u loht ne natürlich nid i rueh
dr michi platzt fasch vor harndrang
sie seit leg hand an
de chasch ou as wc ran, mann
dr michi usser rand und band
nimmt se bi der hand
u füehrt se zure wand
gli si sie ou scho am umeküse
was dr michi aber ned cha wüsse
dass die gueti frou nid nume mit ihm duet küsse
die gueti frou seit due stoppe
deheim git mer scho eine dr schoppe..
dr kessler brünu mit sire grosse schnorre
am clubweekend plagiert är wie ne moore
am sunntig schnee und sunne
brünnu het aui törli gfunge
trotzdäm isch zyt verrunne
si mir ehrlech hät är gwunne
s wär jo gspunne!
genau denn isch diese gsprunge
s isch ned suizid das wäri gloge
nid d fründin wo ihn het betroge
bim triisixty-gumpe setzts e rieseschlappe
üs dünkts äs ligt ar grüene chappe
im outfit aa chöntsch meine es sig e globi
am gägehang do chläppt doch üse tobi!
d schneesporttour das isch e hit
nume d susle isch nid würklech fit
d susle isch am chindli kriege
drum het se dr willu müesse schiebe
liebi clübler mir si froh
dass d selma jetz isch use cho.
dr bösi isch im nöijohrslager uf wouche siebe
ar het dr alkohol so richtig inetriebe
d kollege vom präsi hei ihm es gschichtli verzöut, es isch e gruus
do chonnt dr bösi nümme drus
im dilemma goht är grad zur höchschte instanz
doch dä lacht sich nume e schranz
der bösi het es gnusch im fadechörbli
drum verdräit är es bekannts sprichwörtli
är seit, lach nid süsch houi dir eine obe abe
die verstriche mi nach arsch und fade...
mir hei do ds bipp
das isch dr hit
jo das isch würklich wahr
er isch e musikstar
är goht ad länk
dänk
är fahrt chli schi
so bisch drbii
am obe isch är de im pub
studiert was är do sött
ar isch gäng no fit
und singt si grossi hit
jetz wei mir ou lose wie das tönt
ueli, mir si ned so verwöhnt!
im nuejohrsskilager si aui derewä glade
es düe sech aui ufe schlitte wage
söuveschter werd immer wie verreckter
der steilhang nimmt me gäng wie gstreckter
im skiclub duet me sech wyt use wage
do wärde kurve grad zur grade
die deppe hei die erschti kurve verpasst
so si sie grad gringsvora i neuschnee grast
nume met vüu glück bliebe aui ganz
und der skiclub verlürt nüt vo sim glanz!.
Fonduehöck 14.11.08
Login
